PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weşana Malper û TV yên Kurdistane.

GAV GIRINGE, LI GELÊ KURDISTAN PÎROZ BÊ !
Biremen Almanya , 11. 10. 2005 — Ji bo çareserkirin a pirsgirêkên gelan û gelên bindest, peymanên nav neteweyî û destûr ji mêj de hene. Ev peyman û destûr bi taybet ne ji bo netewekî tenê hatine çêkirin, ji bo hemû gelên cihanê ne û her wextê di xizmeta hemû gelên cihanê dene. Kes nikarê rêya wan peyman û destûran li ber kesên bigrê. Lê a giring gel hişyar bibê û tevgerên wî gelî di xizmeta gel de bin.

Wexta ko tevgerên neteweyekê di kar-xebatên xwe de welatî-millî bin, menfîetên gelê xwe danin pêşya menfîetên partîya xwe, gel bi coş di bê. Peymanên navneteweyî, destûrên nav neteweyî bi xwe di kevin di bin xizmeta gelê di bin dest de mayî de û tengasî namînin.

Dîrokên sala ye gelê Kurd-Kurdistan li ber xwe didê, bi milyonan Kurd hatine kûştin, girtin penabir bûne…., lê milgirtin çêbibin jî, milgirtinên neteweyî, millî û Kurdewarî herwextê lewaz mane û lewaz hatine kirin. Gelê Kurd hêjî bindeste û bê dewlet e.

Encama bûyerê a giring çiye ?
1 - Mejîyê partîzanî û leşkerî maye rêber (Egerên vêjî pirin)
2 - Dîrokên salaye destên ji alîyê dagirkeran ve dirêjî nav tevgera Kurd di bê
3 - Akama kultûra sîyaseta dewletên herêmê û sîstema dagirkerîyê
4 - Rêya xebata legal girtî maye, qalîte a kesên berpirsîyar na derkevê halê ( Ko ev firset heba A. Öcalan wê îro ne serok ba û belkî PKK jî neba )
……………………………………………….
Xal tên zêdekirin, lê ez bawerim çar xalên ko mi bi navkirin, yên herî esasin. Ev her wextê di pêşya mejîyê Kurdistanî û Kurdewarî de bûne astengî. Sîyasetên Kurd ne karîne van astengîya derbas bikin. Bi akama kûltûra sîyasetên herêmê, tevayên tevgerên Kurdistan ji derveyî xwe û di nav partîya xwe de jî dîktator mane. Şerên hev kirine, hev kûştine, hev erzan kirine û ji hev qet bûne. Ne karîne bi kevin di xizmeta gel de, herkesî wesfê partîya xwe daye û menfîetên partîya xwe dane pêş.

Carna ji lewazî tifaq çêbûne, weke YEKBÛN û PYSK bûne yek, lê ehd û peymanên dane gel bi cih ne anîn, gel ji xwe hiştine bê hêvî, ji hev ketin û ji qeweta xweya ewil jî paşdetir ketin e

Li bakûrê Kurdistan ji derveyî PKK jîya endamên tevgerên sîyasî di ser 45 sala re ye, xwûna nû ciwan kêm e, gîya kar-xebatê lawaz bûwe, bivê û nevê pêwistî bi xwûna nû heye. Gelek mejîyên westayî û bê ilim di pêşîya tevgerên sîyasî de asteng mane. Di bêjin „ Ko kiçik bê û mezin bê bila a mi bê, ne a gelê Kurdistan bê“. Kesên westayî ji xwe nikarin barên giran hilgirin. Şexsîyetên bê ilim jî weke şêxekê ne welatparêz mirîdan bi psîkolojîyê li hev radigirin. partîzanên xwe di rakin û di rûnênin. Bi îmkanên partîyê propaxanda xwe dikin §exsîya xwe meşrû dikin û li ser lingan di sekinin. Ev herdû mejî jî astengin, ji wext paş mane, nahêlin mejîyên bar hilgir, ilmî derkevin pêş ko birînên gelê Kurdistan bêne dermankirin, gelê Kurd-Kurdistan bi azadî û serxwebûna xwe şa bi bê. Divê PDK-B û PSK vê li ber çav bigirin.

PKK fêkîyê vî majî ye û heta ko ev mejî giranîya wî li ser rêxistinan hebê jîya şaşîyên PKK wê hê dirêjtir bi bê. Wexta ko di rêxistinên Kurdistanî de rê li mejîyên ilmî, kesên kargîr û kargêr vebê, di warê sîyasî û neteweyî de bersiva gelê Kurdistan bi xwe wê bê dayin.

Mi di 2005.08.05 miha tebaxê de ji rûpelên internêt û rojnameyan re bi sernivîsa „SERGOVENDÎ Û KEFYA GÛLERÎ KARÊ KÎ YE?“ nivîsek nivîsîbû. Mi ronakbir, nivîskarên Kurdistanî, dostên gelê Kurd bê tirs vexwendinî ser kar, sergovendîya kar, xebatê û nivîsandinê kiribûn. Hêjaye ko ji îro û pêde protokola di nav bera PDK-B û PSK de hatî hemzekirin derxin nîqaş ê, piştgirî jêre hebê û bi coş xebat bê kirin.

Lê ev protoqol jî nebê weke gelek yekbûn, tifaq, milgirtinên di wextê bûrî de ko hatîn kirin û ji hev ketîn. Şerme ko PDK-B û PSK jî weke wan rêxistinan hêvîyên gelê Kurd û Kurdistan vala derxin.

Gav giringe, pir di cihê xwedeye û rêbaza tevgera Başûrê Kurdistan li Bakûrê Kurdistan dertêxê pêş. Rehnîya azadî û serxwebûnê ye. Gava didowa ye a yekbûna gelê Kurd û Kurdistan e. Ez di bêjim li herdû partîyan, bi taybet li gelê Kurd û Kurdistan pîrozbê. Hêvîya mi serketin e. Ez piştgirî û destebarîya hewe dikim. 2005.10.11

Biremen Almanya , 11. 10. 2005

M. Şerîf MÜŞTAK
Serif.muestak@gmx.de